[16] นเหตุํ นทสฺสเนน ปหาตพฺพเหตุกํ ธมฺมํ ปฏิจฺจ…เป.…ฯ

นเหตุํ นภาวนาย ปหาตพฺพเหตุกํ ธมฺมํ ปฏิจฺจ…เป.…ฯ

นเหตุํ นเนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ…เป.…ฯ

1-10-21. เหตุทุก-อาจยคามาทิตฺติกานิ

[17] นเหตุํ นอาจยคามิํ ธมฺมํ ปฏิจฺจ…เป.…ฯ

นเหตุํ นอปจยคามิํ ธมฺมํ ปฏิจฺจ…เป.…ฯ

นเหตุํ นเนวอาจยคามิํ นาปจยคามิํ ธมฺมํ ปฏิจฺจ…เป.…ฯ

[18] นเหตุํ นเสกฺขํ ธมฺมํ ปฏิจฺจ…เป.…ฯ

นเหตุํ นอเสกฺขํ ธมฺมํ ปฏิจฺจ…เป.…ฯ

นเหตุํ นเนวเสกฺขนาเสกฺขํ ธมฺมํ ปฏิจฺจ…เป.…ฯ

[19] นเหตุํ นปริตฺตํ ธมฺมํ ปฏิจฺจ…เป.…ฯ

นเหตุํ นมหคฺคตํ ธมฺมํ ปฏิจฺจ…เป.…ฯ

นเหตุํ นอปฺปมาณํ ธมฺมํ ปฏิจฺจ…เป.…ฯ

[20] นเหตุํ นปริตฺตารมฺมณํ ธมฺมํ ปฏิจฺจ…เป.…ฯ

นเหตุํ นมหคฺคตารมฺมณํ ธมฺมํ ปฏิจฺจ…เป.…ฯ

นเหตุํ นอปฺปมาณารมฺมณํ ธมฺมํ ปฏิจฺจ…เป.…ฯ

[21] นเหตุํ นหีนํ ธมฺมํ ปฏิจฺจ…เป.…ฯ

นเหตุํ นมชฺฌิมํ ธมฺมํ ปฏิจฺจ …เป.…ฯ

นเหตุํ นปณีตํ ธมฺมํ ปฏิจฺจ…เป.…ฯ

[22] นเหตุํ นมิจฺฉตฺตนิยตํ ธมฺมํ ปฏิจฺจ…เป.…ฯ

นเหตุํ นสมฺมตฺตนิยตํ ธมฺมํ ปฏิจฺจ…เป.…ฯ

นเหตุํ นอนิยตํ ธมฺมํ ปฏิจฺจ…เป.…ฯ

[23] นเหตุํ นมคฺคารมฺมณํ ธมฺมํ ปฏิจฺจ…เป.…ฯ

นเหตุํ นมคฺคเหตุกํ ธมฺมํ ปฏิจฺจ…เป.…ฯ

นเหตุํ นมคฺคาธิปติํ ธมฺมํ ปฏิจฺจ…เป.…ฯ

[24] นเหตุํ นอนุปฺปนฺนํ ธมฺมํ ปฏิจฺจ…เป.…ฯ

นเหตุํ นอุปฺปาทิํ ธมฺมํ ปฏิจฺจ…เป.…ฯ

[25] นเหตุํ นอตีตํ ธมฺมํ ปฏิจฺจ…เป.…ฯ

นเหตุํ นอนาคตํ ธมฺมํ ปฏิจฺจ…เป.…ฯ

[26] นเหตุํ นอตีตารมฺมณํ ธมฺมํ ปฏิจฺจ…เป.…ฯ

นเหตุํ นอนาคตารมฺมณํ ธมฺมํ ปฏิจฺจ…เป.…ฯ

นเหตุํ นปจฺจุปฺปนฺนารมฺมณํ ธมฺมํ ปฏิจฺจ…เป.…ฯ

[27] นเหตุํ นอชฺฌตฺตํ ธมฺมํ ปฏิจฺจ…เป.…ฯ

นเหตุํ นพหิทฺธา ธมฺมํ ปฏิจฺจ…เป.…ฯ

[28] นเหตุํ นอชฺฌตฺตารมฺมณํ ธมฺมํ ปฏิจฺจ…เป.…ฯ

นเหตุํ นพหิทฺธารมฺมณํ ธมฺมํ ปฏิจฺจ…เป.…ฯ

1-22. เหตุทุก-สนิทสฺสนตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[29] นเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นสนิทสฺสนสปฺปฏิฆํ ธมฺมํ ปฏิจฺจ นนเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ จ นนเหตุ นสนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3)

นนเหตุํ นสนิทสฺสนสปฺปฏิฆํ ธมฺมํ ปฏิจฺจ นนเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ

นนเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นนเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ จ นนเหตุ นสนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3)

นเหตุํ นสนิทสฺสนสปฺปฏิฆญฺจ นนเหตุํ นสนิทสฺสนสปฺปฏิฆญฺจ ธมฺมํ ปฏิจฺจ นเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นสนิทสฺสนสปฺปฏิฆญฺจ นนเหตุํ นสนิทสฺสนสปฺปฏิฆญฺจ ธมฺมํ ปฏิจฺจ นนเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นสนิทสฺสนสปฺปฏิฆญฺจ นนเหตุํ นสนิทสฺสนสปฺปฏิฆญฺจ ธมฺมํ ปฏิจฺจ นเหตุ นสนิทสฺสนสปฺปฏิโฆ จ นนเหตุ นสนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว…เป.… อวิคเต นวฯ (สพฺพตฺถ นวฯ)

[30] นเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นอนิทสฺสนสปฺปฏิฆํ ธมฺมํ ปฏิจฺจ นนเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ จ นนเหตุ นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3)

นนเหตุํ นอนิทสฺสนสปฺปฏิฆํ ธมฺมํ ปฏิจฺจ นนเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นนเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นนเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ จ นนเหตุ นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3)

นเหตุํ นอนิทสฺสนสปฺปฏิฆญฺจ นนเหตุํ นอนิทสฺสนสปฺปฏิฆญฺจ ธมฺมํ ปฏิจฺจ นเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นอนิทสฺสนสปฺปฏิฆญฺจ นนเหตุํ นอนิทสฺสนสปฺปฏิฆญฺจ ธมฺมํ ปฏิจฺจ นนเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นเหตุํ นอนิทสฺสนสปฺปฏิฆญฺจ นนเหตุํ นอนิทสฺสนสปฺปฏิฆญฺจ ธมฺมํ ปฏิจฺจ นเหตุ นอนิทสฺสนสปฺปฏิโฆ จ นนเหตุ นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ)

เหตุยา นว…เป.… อวิคเต นวฯ (สหชาตวาเรปิ…เป.… สมฺปยุตฺตวาเรปิ สพฺพตฺถ วิตฺถาโรฯ)

เหตุ-อารมฺมณปจฺจยา

[31] นนเหตุ นอนิทสฺสนสปฺปฏิโฆ ธมฺโม นนเหตุสฺส นอนิทสฺสนสปฺปฏิฆสฺส ธมฺมสฺส เหตุปจฺจเยน ปจฺจโยฯ นนเหตุ นอนิทสฺสนสปฺปฏิโฆ ธมฺโม นเหตุสฺส นอนิทสฺสนสปฺปฏิฆสฺส ธมฺมสฺส เหตุปจฺจเยน ปจฺจโยฯ นนเหตุ นอนิทสฺสนสปฺปฏิโฆ ธมฺโม นเหตุสฺส นอนิทสฺสนสปฺปฏิฆสฺส จ นนเหตุสฺส นอนิทสฺสนสปฺปฏิฆสฺส จ ธมฺมสฺส เหตุปจฺจเยน ปจฺจโยฯ (3)

นเหตุ นอนิทสฺสนสปฺปฏิโฆ ธมฺโม นเหตุสฺส นอนิทสฺสนสปฺปฏิฆสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)

เหตุยา ตีณิ, อารมฺมเณ นว…เป.… อุปนิสฺสเย นว, ปุเรชาเต ปจฺฉาชาเต ตีณิ, อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค สมฺปยุตฺเต นว, วิปฺปยุตฺเต ปญฺจ…เป.… อวิคเต นวฯ (ปญฺหาวารํ เอวํ วิตฺถาเรตพฺพํฯ)

[32] นเหตุํ นอนิทสฺสนอปฺปฏิฆํ ธมฺมํ ปฏิจฺจ นเหตุ นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา เอกํฯ (สพฺพตฺถ วิตฺถาโรฯ)

2-3-1. สเหตุกทุกาทิ-กุสลตฺติกํ

[33] นสเหตุกํ นกุสลํ ธมฺมํ ปฏิจฺจ นสเหตุโก นกุสโล ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ โมหํ ปฏิจฺจ จิตฺตสมุฏฺฐานํ รูปํ, เอกํ มหาภูตํ ปฏิจฺจ ตโย มหาภูตา…เป.… ทฺเว มหาภูเต…เป.… นสเหตุกํ นกุสลํ ธมฺมํ ปฏิจฺจ นอเหตุโก นกุสโล ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ โมหํ ปฏิจฺจ สมฺปยุตฺตกา ขนฺธา; ปฏิสนฺธิกฺขเณ วตฺถุํ ปฏิจฺจ สเหตุกา ขนฺธาฯ นสเหตุกํ นกุสลํ ธมฺมํ ปฏิจฺจ นสเหตุโก นกุสโล จ นอเหตุโก นกุสโล จ ธมฺมา อุปฺปชฺชนฺติ เหตุปจฺจยาฯ (3)

นอเหตุกํ นกุสลํ ธมฺมํ ปฏิจฺจ นอเหตุโก นกุสโล ธมฺโม อุปฺปชฺชติ เหตุปจฺจยา… ตีณิฯ

นสเหตุกํ นกุสลญฺจ นอเหตุกํ นกุสลญฺจ ธมฺมํ ปฏิจฺจ นสเหตุโก นกุสโล ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา นวฯ

[34] นสเหตุกํ นอกุสลํ ธมฺมํ ปฏิจฺจ นสเหตุโก นอกุสโล ธมฺโม อุปฺปชฺชติ เหตุปจฺจยา… ตีณิฯ

นอเหตุกํ นอกุสลํ ธมฺมํ ปฏิจฺจ นอเหตุโก นอกุสโล ธมฺโม อุปฺปชฺชติ เหตุปจฺจยา… ตีณิฯ

นสเหตุกํ นอกุสลญฺจ นอเหตุกํ นอกุสลญฺจ ธมฺมํ ปฏิจฺจ นสเหตุโก นอกุสโล ธมฺโม อุปฺปชฺชติ เหตุปจฺจยา… ตีณิฯ (สํขิตฺตํฯ)

เหตุยา นวฯ

[35] นสเหตุกํ นอพฺยากตํ ธมฺมํ ปฏิจฺจ นอเหตุโก นอพฺยากโต ธมฺโม อุปฺปชฺชติ เหตุปจฺจยาฯ (1)

นอเหตุกํ นอพฺยากตํ ธมฺมํ ปฏิจฺจ นอเหตุโก นอพฺยากโต ธมฺโม อุปฺปชฺชติ เหตุปจฺจยาฯ (1)

นสเหตุกํ นอพฺยากตญฺจ นอเหตุกํ นอพฺยากตญฺจ ธมฺมํ ปฏิจฺจ นอเหตุโก นอพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ตีณิฯ

(เหตุสมฺปยุตฺตทุกํ สเหตุกทุกสทิสํฯ)

4-5-1. เหตุสเหตุกทุกาทิ-กุสลตฺติกํ

[36] นเหตุญฺเจว นอเหตุกญฺจ นกุสลํ ธมฺมํ ปฏิจฺจ นเหตุ เจว นอเหตุโก จ นกุสโล ธมฺโม อุปฺปชฺชติ เหตุปจฺจยาฯ นเหตุญฺเจว นอเหตุกญฺจ นกุสลํ ธมฺมํ ปฏิจฺจ นอเหตุโก เจว นน จ เหตุ นกุสโล ธมฺโม อุปฺปชฺชติ เหตุปจฺจยาฯ นเหตุญฺเจว นอเหตุกญฺจ นกุสลํ ธมฺมํ ปฏิจฺจ นเหตุ เจว นอเหตุโก จ นกุสโล จ นอเหตุโก เจว นน จ เหตุ นกุสโล จ ธมฺมา อุปฺปชฺชนฺติ เหตุปจฺจยาฯ (3)